|
SubscriptionsSites I Read
|
|
|
|
| 呢個幾禮拜日日都係咁出汗做運動,果種感覺愈黎愈強烈,好似讀書時係京士柏打波咁,唔同既係果時唔停打幾個鐘都唔覺有問題,而家跑三十五分鐘都係差D唔得,體能既野真係唔到你牙擦擦,不過對呢種日日都做運動既情節,令我諗起一個人... 記得當年我只係剷籃,爆籃同勾手都足夠可以立足,但係射波就真係好水,就係果陣時我識左楊伯,楊伯冇咩野叻,但係佢教射波就真係有一手,佢既金句到而家我都仲記得,每次記起都會笑一笑,因為當中混雜左D粗口,係楊伯教咁多人當中,我射波係最屎,十球只係中六球,不過佢冇話過我,反而同我講如果我識埋射波,就會好全面,佢仲話我係佢既楊家將中左手發揮最好既一個,當然啦,我左手嫁嘛... 讀完書之後都好少上京士,都好少見到楊伯,記得有一次係街到見到佢,佢話佢老喇,身體又唔好又多病,唔夠氣力行上京士喇,我見到佢都瘦左好多,幾年之後都有上過京士打過波,剷籃勾手冇哂手感,但竟然射球好準,我都唔明咩原因,D朋友都話我轉左型,有人解釋話可能當年我太專注剷籃,所以對射波冇信心,不過點都好,我都係用緊楊伯套理論黎射波,話哂我都係楊家將喎~ | | |
| 減肥行動開始左,好多人都好震驚,個個都問我究竟為左邊個去做gym減肥,主要都係應承左阿金,另外少人知既就係個蕃茄... 做左差唔多一星期gym,成績令我滿意,減肥唔係個問題,問題在於之後點去keep,不過為左自己健康,唔會好似上次咁失敗既... 琴日做去gym同阿金食飯,佢復原得好快,反應一次比一次好,其間仲同佢打賭,究竟佢復原得快定係我減得快,真係要鬥過完知... | | |
| 今日既心情都好差,可能因為阿金既事,成日都冇咩心機,夜晚阿翹打埋問我去唔去比賽,雖然心情唔多好,但出去行下心情都可以放鬆下,所以就出左去,第一場比賽發揮得唔好,不過係後期愈打愈好,都過左關,第二場對Vi仔,係佢失準之下反勝入決賽,決賽打三人兩連勝既規則,第一局輕易胯到幾手,可惜第二場面對既係阿翹,大家標路都好熟,不過佢始終都高我一班,最後我都係輸左得第二,雖然攞到亞軍,不過我冇話咁開心,不過可以話對自己既標有回返信心~ | | |
| 今朝仲係熟睡既時間,有電話打黎嘈醒我,原來係Lam,個死佬好日都唔會咁早打黎,半夢半醒間聽左個電話: Lam:終於搵到阿金喇... 我:佢失蹤左成年,終於肯蒲頭喇? Lam:佢今朝打過電話俾我 我:佢而家點呀? Lam:佢爆左血管... 當時我以為發緊夢,不過係好快,我成個人彈左起身再道:爆血管? 原來佢係一年前就巳經爆左血管,八個月前先可以落地,三個月前先開始講到野,但由於爆左血管既關係,記憶力亦都會差左,思想方式都遲鈍左,所以到左今日先有想搵我地既意欲,由於眾人都冇佢屋企電話,加上佢將卡共亦cut左,所以成年都同佢失左聯絡,忐忑不安左成個下午,等埋Lam收工後,再約埋阿棠,比比,瑪莉,阿東一行六人去探呢個不幸既好朋友... 一見面Lam同阿東顯得好激動,畢竟佢地都識左十多年,我雖然冇佢地咁激,但都顯得十分無奈,不過見到阿金可以活生生咁企係我眼前,心中都有d安慰,講左幾句問候說話後,就搵間餐廳坐低邊食邊傾,席間大家既表現都有d尷尬,但阿金仍然好似以前咁搞氣氛,只有Lam不斷問一d尷尬問題,佢係好緊張,但可惜佢唔知阿金俾我地更難受呢... 阿金份人好玩,其好玩程度俾我還多幾倍,成日都因為去玩而唔訓,最後因為呢d原因所以發生咁既悲劇,臨走前,阿金勸我唔好飲咁多酒,唔好步佢後塵,我都明白佢既好意,見完佢之後我都諗左好耐,雖然我飲少左酒,但係我出去應酬既時間反而多左,阿金既遭遇俾到我好多既啟發,搵到幾多玩到幾多都唔緊要,身體健康先係最重要... 阿金~希望你早日康復,震洲話三劍俠唔可以少左你呀... | | |
|
